أهملتنــــــــــــــي

سكتّ عنك وقلت لا بـاس
باكر مـع الأيـام بتحـس
لكن قلبك ما بـه إحسـاس
توني عرفتك للأسف بـس
أهملتني وسوّيت لك نـاس
وأصبحت عنّي تخش وتدس
دست العتب فيّه ولأنحـاس
في معاملاتك صرت تشكس
خلّيتني بشـكٍ ووسـواس
يالس وأفكّر بك وأوسـوس
كل شي له حـدٍ ومقيـاس
واللي عملته بان كالشمـس
البيت ما يبنى بـلا سـاس
والحب ما يبنى على الدّس
ما آريد حب يشيّب الراس
أريد حـبٍ يبهـج النفـس
مثلك كثير ووايد أجنـاس
ومثلي فريد النوع والجنس
لو تملك الجوهر ولألمـاس
دوني كأنّـك مالـكٍ فلـس
أنا ذهب وإلاّ انته نحـاس
أصفر قديم وزانك اللبـس
لي قال إن العرق دسّـاس
صادق وكل واحد وله رس
قلت وبقول اليوم لا بـاس
باكر مـع الأيـام بتحـس

ساهي النظره كتب:

يعطيك العافيه

شكر الك