عدد الرسائل : 1046 البلد : السعوديه - جده العمر : فاني المزاج : رايق تاريخ التسجيل : 05/06/2008
موضوع: حب احلى اثنين بقلمي الخميس يونيو 12, 2008 4:38 am
السلام عليكم ورحمة الله وبركاته مرحباااااااااااا00كيفكم00 اتمنى انكم بصحه وعافيه00 اليوم جبت لكم قصه بقلمي ان شاء الله تعجبكم نبدأ بالقصة.!
قصتي تتكلم عن سعود وريم .! وفيها شوي من الافلام الهندية <- - هذا أهم شيء هع هع .!
أول شيء نعرفكم بـ أبطال القصة :.)
سعود//شـآب جامعي سنة آخيرة في كلية الحاسب .! وحيد آمه وابوه ومثل مايقولون دلوعهم.! أي شيء يبيه يجيه:.)
يسافر مع أهله سنويـاً لـ مصر في الصيف عاقل ماعنده سوالف بنات ولا في يوم كلم بنت على الجوال .!
معروف بـ أخلاقه وطيبة قلبه وأسلوبه وتعامله مع الناس:.) خالد//صديق سعود الروح بالروح "ينحط على الجرح يبرى":.)
من يوم ماكانوا بالثانوية الى السنة الأخيرة بالجامعة وهو خويه .! أم سعود//تقاعدت مبكر لـ تربية سعود .!
أبو سعود//رجل أعمال كبير يسافر كثيراً لـ البزنز.!
------- ريم//بنت في ثـآني ثانوي -أدبي-.! أكبر خواتها واخوانها بعد وفاة أخوها بحـآدث مروع:.) تأثرت كثير بوفاة أخوها لانه كان لها الأب والأخ .! آبو ريم //رئيس قسم في شركة آرامكو.! أم ريم //عاطلة عن العمل .!
------
نبدأ بالقصة..! بدأ السمستر الأخير لـ سعود وخالد وكان باقي لهم 14 ساعة وينهون الجامعة قالوا لازم هالسمستر نجيب معدل قوي .!
مرت الأيـآم وقربت الأختبارات النهائية لـ سعود وخالد وقل خروجهم مع بعض وركزوا على المذاكرة
وأم سعود تدعي ليل نهار أن الله يوفق سعود ويتخرج ويتوظف في أحسن وظيفة .! وجات الأختبارات وقدم سعود مع خالد آختبارات حلوة وباقي مادة بس وينتهون من السمستر .!
في ليلة الأختبار وسعود قاعد يذاكر الساعة 1 الليل جـآه اتصال من رقم غريب...
سعود//آلووو مجهول//هدوء وسكوت ولا كلمة .! بعدها سكر سعود السماعة وكمل مذاكرة بعد 10 دقايق اتصل نفس الرقم سعود//آلوو صوت ناعم "البنت"//آسفه غلطانه على بالي صديقتي.! سعود //لا عادي مافيه أي مشكلة البنت//طيب آسفه على الأزعـآج شكلك كنت نايم .! سعود//لالا مافيه إزعاج اصلا كنت انا آذاكر عندي اختبار البنت //ليه أنت تدرس <- - البنت قطت معه بسرعة .! سعود//آيه جامعي وهذا آخر سمستر وبكرة آخر اختبـآر البنت//الله يوفقك وآسفه مرة ثانية على الأزعاج سعود//ويوفقك إن شاء الله وحياك الله .. البنت //باي سعود//باي طوط طوط طوط ...
هنا سعود بدأ يفكر في البنت .. أول مرة يكلم بنت على الجوال.!
كمل المذاكرة وعقله مع هالبنت يفكر يكلمها بكرة ولا لا:.)
جاء وقت الأختبار وقدم آختبار كويس وأول ماطلع من الأختبار رآح يتصل على البنت يبي يبشرها عن الأختبار ...
سعود بدا يتصل وطلع الجوال مقفل .. قال يمكن البنت نايمه :.)
خالد صديقه حس أن سعود متغير أول مرة يطلع من الأختبار ولا يسولف مع خالد عن الأختبار ..
رآح البيت سعود بشر أمه عن الأختبار ورآح نام وقال إذا جاء الليل أتصلت على البنت :.) يوم صحى من النوم وتروش آخذ الجوال يتصل على البنت طلع الجوال مقفل.!
هنا سعود بدأ بالتفكير يقول أكيد صار فيها شيء.! وألا خالد يتصل ...
خالد //هلا سعود وينك فيه اتصل ماترد.. سعود//والله كنت نايم خالد//ماادري حاس انك مو طبيعي اليوم عسا بس قدمت كويس بالاختبار سعود//الحمدلله الاختبار عال العال إن شاء الله A+ خالد//طيب يلا ربع ساعة وبجيك خلك على الباب سعود //آوكي...
وركب سعود مع خالد وكل تفكيره مع البنت
خالد//سعود وش فيك موطبيعي من طلعت من الأختبار وانت مو على بعضك .!
سعود//أبد ولا شيء بس انت تعرف تخرجنا الان وانا أحاتي المعدل والوظيفة
خالد//يارجال وسع صدرك إن شاء الله المعدل عالي وانا وإياك نحصل وظيفة مع بعض سعود//هههه تراك نشبة كل شيء معي مابقى الا تتزوج معي
مشت البنت بعد مااعتذرت له الا وخالد جاء وقال لـ سعود وش فيك وآقف وش تناظر ..
ههه أفا الان عرفت من هو الخربان ترا الهيئة هنا .! سعود//لي حبيب من جماله//شرق الكون بدلاله //هو خلي هو كلي ولو يبي روحي فداله
خالد//آخص وش هالكلام شكلك بديت تحب.!
سعود//والله مدري المهم خلنا نروح البيت .!
رجع سعود للبيت وبدأ يفكر بالبنت ويتذكر الموقف ونعومة صوتها
وقال هالصوت مو غريب علي وين سامعه مدري...
قرب وقت رحلة سعود واهله لـ مصر باقي عليها يوم ...
ودع سعود صديقه خالد وعيونه تدمع لانه بيفارق أغلى صديق شهرين .!
وجاء وقت الرحلة وسافر سعود مع أهله ووصلوا لـ مصر ..!
في نفس الوقت ريم كانت مع اهلها متوآجدين في مصر..!وكانوا مبسوطين في يوم من الأيام
قالت باخذ آخوي الصغير لـلحديقة قريبة من الفندق يوسع صدره .!
تغافلت ريم عن اخوها ثواني ولا حصلته قامت تبكي تدور عليه مالقته.!
رآحت ساعة وهي تدور آخوها ماحصلته شوي ويجن جنونها .! طلعت من الحديقة ورىآحت للشارع الا وتشوف أخوها بس معه رجـآل.!
من هالرجال تتوقعون ..؟
سعود.! آيه سعود اللي اتصلت عليه ريم بالغلط في آخر يوم بـ آختباره .. سعود اللي سكبت عليه الماء في السوق... سعود اللي حصل أخوها ..!
سبحان الله جمعتهم الصدفه في مكان وآحد.! كان شك سعود بمكانه البنت اللي سكبت عليه الماء هي نفسها اللي اتصلت عليه.!
جاء سعود وسألها //ليه قفلتي جوالك بعد ماخلصتي من مكالمتي معك حرآم عليك قلبي تقطع .!
ردت ريم//أبوي دخل علي الغرفة وكان سامعني اكلمك وآخذ رقمي وفصله.! ولا كان ودي اكلمك مدري حسيت بشعور إتجاهك.!
سعود//تصدقين يوم سكبتي الماء على ثوبي واعتذرتي حسيت انك نفس اللي كلمتها.!
ريم/هههههه للدرجة هذه حافظ صوتي..
سعود//واكثر أنا أول مرة آكلم بنت وآحب .. ايه انا أحبك يـ ريم
آستحت ريم ورآحت لشقتها وقبل ماتروح وضع سعود رقم جواله في يد آخوها الصغير.! جاء اليل وريم تفكر في سعود إلى ان رجعت لللسعودية..!
بعدها بـ ايام رجع سعود مع أهله من مصر للسعودية.! واول مكان راح له هو بيت خالد.!
والحمدلله حصل خالد وظيفة في البنك.! سعود//خالد أنا بقولك شيء أنا مخفيه عنك.. انت اعز إنسان عندي ولازم أقوله لك.! خالد//سعود قول وطلع اللي بقلبك انا حاس ان فيك شيء!.
سعود//تذكر البنت اللي سكبت الماء على ثوبي.؟ خالد//ايه وشفيها.!
سعود//شفتها في مصر .. بالصدفة لقيت طفل يبكي وقعدت ابحث عنه أهله وطلعت لي هالبنت .!
بصرآحة هالبنت شاغله تفكيري مدري وش اسوي معها.! خالد//أنت تحبها.ّ! سعود//أيه أحبها والله أحبها ياخالد.! خالد//طيب وهي تعرف انك تحبها.!
هنا وقف سعود وقعد يفكر في الكلام اللي قال له خالد .. هي تحبني.؟ سعود//بس أنا حطيت رقمي عند اخوها الصغير واتوقع بتتصل.!
خالد//إذا اتصلت عليك قل لها انك تحبها عشان تعرف رآيها.!
في يوم من الأيام توفي وآلد ريم بسبب حادث مروري وهو راجع من عمله.!
قامت تبكي ريم بكاء شديد لانه كـآن لها كل شيء في حياتها .! لقد خسرت أغلى إنسان بحيـآتها... لكن وآلد ريم ترك وصية عند آم ريم تخص ريم...
تقول الوصية .. أن ريم لولد عمها محمد هو اللي يتزوجها ويدري عن هالوصية عمها ابو محمد ..!
بس أم ريم ماحبت تقول لـ ريم هالوقت قالت بعدين أقول لها.! ونست أم ريم الوصية مع الايام .!
وفي ليلة من اليالي حست ريم انها محتاجه تكلم سعود وأخذت تبحث عن رقمه ووجدته.!
ريم//آلو جوال سعود.! سعود//آيه من معي.! ريم//أنا ريم .. اللي سكبت عليك الماء واللي أخوها انت لقيته.! سعود//هلا ريم وش هالقطاعة انا توقعت من أول ماترجعين بتتصلين ريم//سامحني ماقدرت أبوي توفى في حادث مروري.! سعود//لاحول ولاقوة إلا بالله .. الله يرحمه ويسكنه الجنة .! ريم //آمين .. الله يجزاك خير..! ريم//سعود أنا متصلة لك لاني محتاجه أحد أطلع له اللي بقلبي محتاجه إنسان يحتويني.! سعود//ريم أنا كلي فدااك ومابكذب عليك أنا كل يوم أفكر فيك من اللي صار لـ اخوك مرات أغلط بـ اسم امي واناديها ريم .. ماتدرين كيف لك معزه بقلبي.! بدت ريم تحس بشعور إتجاه سعود وكأنه بدا يحبها.! ريم//تسلم سعود وأنت بعد شاغل تفكيري.. ماتصدق أني قبل ماانام أتذكر الموقف اللي صار بمصر مدري كيف أشكرك.! سعود//لا وش دعواا انا ماسويت شيء وهو حسبت اخوي الصغير.! ريم //ماتقصر طيب سعود الان الوقت تأخر وانا لازم أنام الأن .! سعود//نوم العوافي .. يلا مع السلامة ,.!
كان خاطره سعود يقول لـ ريم كلمة احبك .. بس شاف ان الوقت غير مناسب وخاصة بعد وفاة ابوها بـ عدة أيام .!
أما ريم لم تستطع النوم .. تفكر في سعود وتنتظر اليوم اللي بعده عشان تتصل على سعود.!
وتموا على هالحال عدة أيام بعدها قال سعود .. خلاص بالمكالمة هذه انا لازم اقول لها أني حبيتها!.
سعود//ريم .! ريم//ياعيون ريم سم.! سعود//سم الله عدوك ... أنا بقولك شيء .! ريم//قول أنا اسمعك.! سعود//أنا أحبك ... ريم//سكتت شوي واستحت ... تبي الصراحة يـ سعود.! أنا من زمان خاطري اسمع هالكلمة منك .! أنا كم مرة ودي أقولها لك بس قلت المفروض الولد هو اللي يقول.! سعود//يعني أنتي تحبيني .! هنا جن جنون سعود وعرف أن ريم حبت سعود.!
وأستمروا على هالحال أيام ... كلام حب ورمانسية
في يوم من الأيام رآح سعود لـ خالد //بارك لي يـ خالد ريم حبتني .! خالد//وأخيراً مبروووك بس بقول لك شيء.! الان حبيتوا بعض بس هل فكرت في يوم أنك تتزوجها.!
هنا سعود بدأ يفكر ويقول كيف ماجات الفكرة على بالي ... تصدق ياخالد جبتها ... انا ودي افاتحها بالموضوع .!
خالد//جنيت ياسعود ؟.! كيف بتخطبها ... وش بتقول لـ امك بتقول لها من علاقة بالجوال.!
سعود//مايهمني أنا حبيت ريم وهي حبتني وانا اليوم بكلم ريم وبقول لها أني بكلم أمي عشان تخطبني لك.! سعود//ريم اسمعيني زين .! ريم // تفضل حبيبي سعود//أنا قررت أخطبك.! ريم //... من داخل قلبها فرحانة .. بس ماحبت تبين لسعود .. قالت ريم :طيب أنت بتخطبني وش بتقول لـ اهلك كيف عرفتني .! سعود//لاتخافين من هالناحية تطمني أمي تحبني كثير ولاترفض لي طلب بكلمها وبشوف ردة فعلها.!
رآح سعود لـ امه وآخذ يضحك معها ويسولف بعدها قال يـمه أبي أتزوج.!
أم سعود//هذه والله الساعة المباركة وأخيراً قررت تكمل نص دينك.. عاد أنا اعرف لك بنت تهبل ماشاء الله عليها تبي نروح نخطبها لك.! سعود//لا يـ أمي ماابي هالبنت .. أنا فيه وحده في بالي .! أم سعود//ومن هذه وكيف تعرفت عليها.! سعود//أمي مابكذب عليك أنا هالبنت اعرفها من قبل مااتخرج من الجامعة وذكر لها باقي السالفة ..! أم سعود//لا طبعا تبي أخطب لك بنت متعرف عليها بالجوال وش بيقولون علينا الناس .! سعود//أمي مافيها شيء وتراا انا مابتزوج إلا هي ولا بقعد بدون زواج ويمكن اتزوج من وراكم .!
أم سعود ماتقدر ترفض له طلب وقالت خلاص بس بشرط أول أشوف البنت وأقعد معها .. وأتفق سعود مع ريم على انها تروح مطعم عشان تقابل أمها .!
بالفعل رآحت ريم للمطعم وشفاتها أم سعود//وقالت .. سبحان الله على هالجمال ماشاء الله عليك..
وقعدوا مع بعض وأعجبت أم سعود في ريم وخلاص قررت بتخطب سعود لـ ريم .! كلم سعود ريم ...
سعود//ماني مصدق الى الان انك بتكونين لي .. طاااير من الفرحة الان.!
ريم //وهي تستحي ولا انا ماني مصدقه بس والله أمك رهيبه توسع الصدر.!
سعود//خلاص امي تقول هالاسبوع إن شاء الله بتجيكم البيت تتعرف على أمك .!
ريم //أوكي حياها الله.!
جات أم سعود لـ سعود وقالت له وش رايك انا صديقتي جيران بيت مريم وش رايك اخذها معي وتعرفني على ام ريم.!
سعود//اليل تشوفينه يمه بس آهم شيء فاتحيهم بالموضوع
يتبع
ESSAM.EDF عضو مجلس الادارة
عدد الرسائل : 1046 البلد : السعوديه - جده العمر : فاني المزاج : رايق تاريخ التسجيل : 05/06/2008
موضوع: رد: حب احلى اثنين بقلمي الخميس يونيو 12, 2008 4:38 am
أم سعود//وش افاتحهم بالموضوع لاتستعجل أول نتعرف على الام بعدين نخطبها لك .. ورآحت أم سعود مع صديقتها لـ بيت ريم ... ودخلوا ورحبت فيهم أم ريم وأخذوا على بعض سوالف وضحك و....
أم سعود ارتاحت لـ ام ريم وقالت ام ريم لـ ام سعود قبل ماتطلع لاتقاطعينا كرري الزيارة .!
طلعوا من البيت وكلمت سعود وقالت له خلاص الاسبوع الجاي بنخطبها لك .! فرح سعود واخذ يقبل رأس امه .!
جاء اليل بيتصل على ريم ... ماردت ريم اتصلت 5مرات ولاردت .!
كانت أم ريم مع ريم تبيها بسالفة خاصة ...
أم ريم //يـ ريم أنتي كبرتي ولازم تعرفين شيء ..! ريم //وشو يـ امي.!
أم ريم//أبوك الله يرحمه قبل مايموت ترك عندي وصية .! أنك ولد عمك محمد يتزوجك.! وانا بكرة بكلم عمك عشان يتقدم لك .ّ !
ريم//بدأت تبكي .. أمي تتكلمين من جد ؟ وش اتزوج محمد .. لالالا ماابي محمد
أم ريم //وش فيه محمد رجال اخلاق وطيبة ومنصب وفوق كل هذا وصية أبوك.!
ريم//بس يـ امي انا مااعمري تخيلت محمد يكون زوج لي انا أعتبره مثل أخوي وخاصة بعد ماتوفى الوالد ووقفاته معنا .!
أم ريم //الموضوع طلع من يدي هذه وصية أبوك وانا بكلم عمك وتفاهمي معه.!
رآحت ريم تبكي بكاء شديد.. تذكرت سعود وامه .. وهي حبت سعود بس ولا تبي غيره .!
مانمت ريم طول الليل بكاء وحزن .. اتصلت ريم على سعود...
ريم//وهي تبكي .. سعود بقولك شيء.!
سعود//ريم وش فيك تبكين حصل لك حاجه .!
ريم//لا ماحصل شيء بسسس..!
سعود//بس وشو تراك خوفتيني .!
ريم//أبوي قبل مايموت ترك وصية يقول فيها .. أن ولد عمي يتزوجني .!
سعود//ظل ساكت ... لكن رد بكل عقلانية وقال//مدام هذه وصية أبوك الله يوفقك وأبوك ماقال كذا الا خوف عليك وولد عمك هو أولى فيك!.
ريم//وش تقول يـ سعود انا مااحب الا انت محمد هذا مثل أخوي ماعمري حسيت بشعور اتجاهه غير شعور أخوي .ّ!
سعود/لا ياريم نفذي وصية ابوك اما انا أنسيني والله يوفقك مع ولد عمك ..! ريم //وش تقول أنت بدل ماتوقف معي توقف ضدي ليه كذا ... وتسكر الجوال.!
الى ان جاء الصباح وذهبت الى بيت عمها والتقت معه:.)
وأخذت تبكي في حضنه .. وقالت له : عمي أنا ماعمري حسيت بشعور محمد الا شعور أخوي بس ماعمري فكرت انه بيكون زوج لي
عمي أنا ماابي اتزوج محمد .!
رد عليها عمها//يـ بنتي امسحي دموعك أول شيء ... بعدين هذه وصية أبوك وهو ماقالها الا انه خايف عليك!.
ووافق عم ريم على سعوود .! ريم طارت من الفرحه وأخيراً يـ سعود انخطبنا ماتصدق اني منتظره اليوم من زمان
سعود//وانا أكثر يـآعمري وإن شاء الله عن قريب نحدد وقت الملكة ..
وحدد أبو سعود مع سعود وعم ريم موعد الملكة وقرروا يسوون المكلة بعد مايرجع سعود من الدورة اللي عطته الشركة شهرين في ماليزيا..!
خلصت دورة سعود ورجع للسعودية .! وملك على ريم ... وقرروا يكون الزوآج يكون بعد شهرين .! عشان يرتبون العرس والسفر .! بدأ سعود يرتب للعرس وحجز صالة فخمة ومطعم للولائم عشان العرس:.)
وحجز تذاكر لـ شهر العسل..
وآشترى مع ريم فستان العرس.! قرب وقت العرس وريم وسعود مبسوطين .!
باقي يومين على العرس وجـآء آتصال لـ سعود أن احد اخوياه بالدمام صار له حادث أليم وهو بالمستشفى .!
وقال لازم أروح له وأزوره مايهون علي أعرس وانا مازرته .!
ورآح سعود للدمام وزآر خويه وقال بيرجع للرياض لانه مابقى الا يوم على عرسه .! أما ريم مشغوله مع نفسها في المشغل تتجهزلـ ليلة العمر..!
طلع سعود من الدمام رآجع للرياض وهو في الطريق قعد يفكر ويتخيل نفسه بالبشت والناس تبارك له ..
تخيل نفسه أنه بيدخل على ريم وبيشوفها بفستان العرس .. .. فجأة //
سعود يصطدم بـ أحد البعارين السائبة ...
فقد فيها سعود الوعي لـ ياتي رجال الخير ويخرجوا سعود من السيارة وينقلونه للـ المستشفى .!
من يشاهد سيارة سعود يقول هذا مات لامحالة.!
وصلوا للمستشفى والحمدلله لحقوا على سعوود ولكن حالته خطرة .!
بحث المستشفى في محفظة سعود ووجدوا رقم بيته وأتصلوا .. المستشفى //السلام عليكم بيت أبو سعود.. أم سعود//أيه بيت أبو سعود .!
المستشفى //حبينا نبلغكم أن سعود عمل حادث وهو عندنا بالمستشفى وحالته خطيره ياليت تحضرون بسرعة.!
طاحت السماعة من يد أم سعود وقامت تبكي على سعوود ..وأخبرت أبوسعود وذهبوا للمستشفى ..
دخلوا أم سعود وأبو سعود للمتسشفى وكان سعود في غرفة العمليات .. انتظروا 3 ساعات وخلصت العملية وسعود في غيبوبه . .. فاق سعود من غيبوبته ونـآظر فوقه وشاف أهله ..
وقال لهم وين ريم أبي اشوف ريم قبل مااموت ..! أم سعود//لاياسعود لاتقول هالكلام الأعمار بيد الله .. سعود//اتصلوا على ريم وقولوا لها تجي أبي اشوفها .!
واتصلت أم سعود على أم ريم وقالت لها الخبر... ماصدقت الخبر أم ريم .. بكره عرسهم ويصير فيه كذا...
آحتارت كيف تخبر ريم .. وش بتكون ردة فعل ريم ... خايفه من صدمتها .. بس لازم تدري.!
أم ريم//ريم يمه بقولك شيء بس ... ريم // بس وشو يـ امي قولي وش فيك.! أم ريم//سعود عمل حادث والان هو بين الحيا والموت بالمستشفى ... جن جنون ريم قامت تبكي وتصرخ كيف وليه بكرة زواجنا ...
ولاشعورياً ذهبت ريم للمستشفى ... وأخذت تبحث عن سعود كالمجنونة ... تبكي ولاتعرف أين تذهب ...
لمحت أبوسعود من بعيد وجـآءت تركض وتقول له ياعمي وين سعود... شاهدت الدموع تسقط من عيونه ... بدأ الخوف يسكن قلبها .. سعود فيه شيء سعود فيه شيء...
مارد ابو سعود وقام يبكي بصوت أعلى وأشار بصبعه لـ الغرفة ...
دخلت ريم الغرفة وشاهدت أم سعود تبكي على حضن سعوود وهي تبكي ....
وقالت لـ ريم وهي تبكي بشدة //سعوود مات .! سعود مات ...
ريم//لا مستحيل سعود مامات لا يـ امي سعود مامات بكرة زواجنا .!
الخميس يونيو 12, 2008 4:38 am
