هل البنت اللي تلعب بعرضها وعرض اهلها تستحق الستر.موضوع للقاش

السلام عليكم ..
عندي موضوع للنقاش: ليش البنت في الاساس تعرض سمعتها وسمعة اهلها للخطر؟؟ ليش البنت اصلا ادش في شي غلط .. !!!

البنت اللي تدور الستر تطلب من الله ان يستر عليها وعلى اهلها ومن ثم تستر عمرها ..


ادري ان في شباب قلوبهم مافيها رحمه .. ومستعدين يلعبون على عقول بنات لايفهمن في الحياه شي .. الا ان تقول لربيعتها ان اكلم واحد ويحبني وما ادري شوووووووو ..

هل لنا الحق باسم الحب ان نلعب بسمعتنا وسمعة اهلنا ..!!!

كم بنت عطت صورتها لاحد الشباب وانفضحت ..!! ومع كل هذا السالفه مستمره ليش؟؟

البنت قبل مب تحشم عمرها واهلها .. ليش تطلب الستر وهيه تفضح نفسها ..!!!


كيف تطلب بنت لبسها غير محشوم ..!! مشيتها... وضحكتها شاله المكان الموجودة فيه ..!! كيف تطلب الحشمه ..

من نزلت التلفونات الجداد وخاصه اللي وياهن ميموري للحفظ .. صارت التلفونات مخزن للصور والافلام .. والتوزيع منتشر .. يا Mms... ولا في تجمعات الشباب بالبلوتوث ..

وفي صور منتشرة لبنات في الجامعه او الكليه مصورات عن طريق ربيعاتهن .. البنت اللي صورت واخذت الصور ليش؟؟؟ صورت بنات يلبسن لبس غير محشوم ..

صحيح في بنات يصورن بنات محتشمات وملتزمات لكن البنت في الاساس تحشم عمرها في تصرفاتها .. في لبسها وفي سيراتها ويياتها ..


كم بنت انضحك عليها .. والعدد يزيد ماينقص ليش .؟؟؟ ليش البنات يصدقن الشباب يوم يحلفون ..!! رغم ان البعض يحلف كذب ..


اللي تخاف على عرضها وعرض اهلها وسمعتها ودينها تبتعد عن هالشي اساسا .. وسمعة البنت والكل يعرف خصه في مجتمعاتنا ان تلطخت مره صارت ملازمه الها طول حياتها ...

والاكيد .. ان في بنات .. بسبب مشاكلهن العائلية .. يرتكبن هالشي الغلط ويدشن فيه بدون وعي .. وفي شباب يستغلونهن .. حتى صار الحلاف عند بعض الشباب كذب.. عاده .. الله يهديهم .

(((وآخر الفضايح)))

خليجي وخليجيه في سياره ستيشن مصورين اعمارهم في وضع ولا في افلام الاباحيه العالميه .. طبعا اضني والله اعلم كنوع من الذكرى .. وبو الشباب حاط الفلم في سيارته وانسرق من احد اللي يقربون له وانسخ في النت وانتشر في تلفونات الشباب ..

لكن الحمدلله ..انزخ والحين هو والبنت مسجونين .. واخر الكلام انه بيتزوجها ..

انا بموت قهر .. كيف شباب وبنات يغارون على بنات وشباب بلادهم وسمعتهم .. وناس ولا تحس ولا فيها ذرة غيره ..!!!


وفي الاخير رساله لكل شاب وفتاه .. ليش تحبون تنشرون الصور والافلام اللي تسيء لسمعة غيركم .. وفي ناس تفضح الناس بالسنتها ..


الموضوع مستمر .. حتى نصل الى زمان الزنى منتشر حتى في الاماكن العامه وبدون ستر ...وهذا بمعنى حديث لا اذكره كاملا ..

يا اخوان نتمنى من كل انسان يغار على نفسه وعلى عرضه .. وعلى عرض اهله ان يستر على الناس .. مب من نسمع ان فلان وفلانه ننشر الشي حتى لو كذب ..


من ستر على مسلما .. ستر الله عليه في الدنيا والآخره .. كما قال رسول الله صلى الله عليه وسلم ..

الله يهدي الجميع..


والسموحه اذا زل لساني في شي...

تحيييياتـــي اخوكم Essam_edf